مو فاضي صـالح الشادي

[هذا انا هنا]

السلام عليكم ورحمة الله وبركااااااته


اسعد الله اوقاتكم بالرضا والسعاده ,,
قصيده قديمه ولكنها نشرت حديثا للشاعر الرائع صالح الشادي
هاهي بين ايديكم

_______________

المشاعر مجدبة ..

والقلب فاضي .

إرحلي لا يذبحك هذا الجفاف ..

واهجري هذي الأراضي.


بسمتي لاتخدعك ..

مجبور لوتدري على البسمة أنا..

مَشْرق حضورك جبرني.

كنها بتودعك..

أو كنها.. ما كنها بسمة هَنا ..

كنها نصل وعبرني !


واعترضت ..

وانصلب في هامش الوقت اعتراضي .


دوري لك عن سخيف آخر ..

أنا مليت من زرع السباخ الموحلات ..

ومن فياضي .


كنت فاضي للهوى، أول ..

ولكن للهوى ..

اليوم .. مو فاضي .

ولاعلى هالأرض راضي .


يامن وقفت بحارة احزاني ..

بربك وش تشوف ؟

إلا الحجار ، وكشرة الأبواب.. !


تعاظمت شمس الهموم بساحتي..

ولاعادت دروبي تجود، إلا بسراب.


مايفهمونك..

شاعر، ولاتفهمك إلا الحروف الذابلات بحنجرة مرتاب !

سعادتك مو بالذهب ..

وتعاستك مو بالحتوف وكذبة الإرهاب!

عكس احتمالات المهب..

تعاند رياح الظروف وتضمحل غياب.


(الذيب) في عيون العرب

تشوفه بعينك (خروف) ، يسوقه القصاب.. !


شاعر ولاتفهم وش اللي صار .

الناس طاروا في هوا وغبار

وإنت بسراديب الوهم ، تدّور المحراب.. !



طيّب ، ولا تشعر بك الأصفار..

شاعر ومالك بالملا تكرار

ومسترخي الأعصاب !


أشطب على الأحباب لو تقوى..

وخل الحكم للقاضي..

ولاعلى هالأرض راضي



كنت أجاهر بالوجع ..

واحسب رفيقي .. لا وقعت يقول آه .

وكنت أفتري بالآه ..

وأدور إبن العم في دمي .. ولا ألقاه .


الحب .. وش صابه ، هجرنا ..

والغلا وش جاه ؟!

ليه انطفت بهجة سهرنا ..

واختفت قمراه .


يا ( آنسة ) فيني صداع ..

هزي فناجيل الوداع

استودعك رب الضعوف الطيبين-

الحافظ اللي في سماه.


غيبي.. أباشرب باقي الأحزان وأرقد للمسا..

غيبي .. ولا تقولي نسى

قولي دخل صحرا .. و تاه .


العشق ماهو لي

أنا والعشق زعلانين..!

العشق .. من يقواه ؟!

خليني بحالي..

وخلي مغازلك بعدين..

ماعاد فيني آآه ..



ولا عاد أبي شي من الماضي ..

ولا على هالأرض راضي