الشعر شعار

[غرمان بن عزيز]

ياربعنا يا راجحين العقول =
الشعر ما هو مدح هذا وذاك=
الشعر للشاعر يسمى شعار =
إما تجمل به وفاد البشر =
ولاّ تشره من قريب وبعيد=
والكلمه اللي طيبه من مداها=
والشاعر الونعم تباشر بها =

[الشيباني]

الي تشره عقله بالعقول
والله ما نسعى لظلمك و ذاك
الكفو جاب الطيب والاش عار
يسعى الى الشره وياتي بشر
هذي الحقيقه واسمعو يوم اعيد
الناس للدنيا سعت ما مداها
تسعى وزمزم ما تبا شربها

[غرمان بن عزيز]

بعض الأوادم فيه خير وقبول =
يسمح لك الزله وينسى خطاك =
ولا يطيع اللي يقول خذ بثار =
من سيرته ناخذ دروس وعبر =
والناس به في كل موقف تشيد =
ولا يقول سباعنا وش غداها =
وجمال بيشه لا متى جربها =

[الشيباني]

شفت العرب في صدرها والقبول
واقول من بين العرب شف خطاك
ولا تلوم الي زعل ولا ثار
كم مرةٍ سامح ومره عبر
والناس تهدم ما بنا ما يشيد
الناس تنقد شعرنا وش غداها
هذي طبيعه لا ما اتاجر بها

[غرمان بن عزيز]

اللي يجيب الكلمه على وصول =
قلنا لصاحبها يسلم نباك =
حتى لو إنه من بعيد الديار =
لكن ما جانا يا كود القشر =
ناس تحب المحقره والمكيد =
ولا سلمنا يا الخوي من رداها =
والهم والأمراض في قربها =