{}()[] وين المدير [](){}

[غرمان بن عزيز]

وين المدير اللي يسمونه مــــــــــدير = وين المراقب وين هو المشرف العـــــــام
وين الرجال الفاهمين المناعـــــــــير = اللي تكرس جهدها عبر الأقـــــــــلام
وش هالتغلي وش بلى طبعكم غـــير = وش قولكم للي غدى حاله إعــــــــدام
مفروض في رآس الشهر ساعة عصير = تلقون نظرتكم على كل الأقســــــــــام
يا ناس وإن كان القصائد بها خــير = تكفون شاعركم تناسته الأعـــــــــــلام
وإن كان قصد إعلامنا ندهن الســير = لا والله إلاّ أجسامهم تبطي عظــــــــام
وأهل المثل يقلون زرع بلا بــــــــير = يموت وأخر فترته يصبح حطـــــــــام
وأنا على ما قيل راعي مشـــــــاوير = عبر المواقع في الليالي والأيــــــــــــــام
أحاول أخدم أخويانا الشعاعــــــير = وأكيد خدمتنا لهم صارت إلـــــــــــزام
وأنا أستفدت من الرجال المشاهــير = اللي لهم في الشعر خبرات وأعــــــــوام
وهذي حلاة المنتدى وين ما أســير = ألقى رجالٍ تحشم الشعر وحشــــــــــام