يالله ياللي لـه عبـاده سجـودي = يارازق(ن)الحي والميـت تحييـه
اللي خلقنا مـن عـدم للوجـودي = يامدبر الافـلاك والغيـم منشيـه
افرج لمن يسهر وخلقك رقـودي = لاجا بيرقد ضيقـت بـه طواريـه
من صاحبٍ حبه بقلبـي يـزودي = والحب دايم مخطرٍ منـه راعيـه
فرقا الحبيَب جعلهـا مـا تعـودي = ياشين فرقا اللي تحبـه وتغليـه
افـرك يدينـي واتوجـد وجـودي = يوم التفت يمي ويرفع لـي ايديـه
وقفت مثل اللـي برجلـه قيـودي = حتى قدم رجلـي تغيـر مماشيـه
دمعي عقب فرقاه جـرح خـدودي = ابي الصبر والصبر ما نيب قاويـه
من عقبهم عفت الكرى والقعودي = واخفيت ما فينـي ولا ودي ابديـه
باح العزى مني وباحـة سـدودي = اصيح وازهم كل شخص ٍ مخاويه
مايرحم اللي لـه شفيـق ودودي = قلبي تقطع ما بقـى الا عراويـه
يا صاحبي لا تستمـع للحسـودي = كم واحـد ٍ منـه تغيـر هقاويـه
انا على حبك دموعـي شهـودي = وجرحي عطيب ٍمالقى من يداويـه
ارفق بقلبـي يالغـزال العنـودي = اللي على شوفك معذب ومشقيـه
يالله عسى خلي بوصلـه يجـودي = وانه يروف بحالتي كل مـا اجيـه
ياليـت قربـه ينشـرا بالنقـودي = من شان نرخص كل شي ٍ ونشريه
عسى الرجا في صاحبي لي يقودي = عمري قضى وانا اتحراه وارجيـه
بيني وبينـه نازحـات الحـدودي = اشفق على قربه وشوفه وطاريـه
يا ويش اسوي في حسين الخدودي = يا مجربين الحـب مـره وحاليـه
تكفون يااهل المنتدى ياعضـودي = مالي على غير النشاما مشاريـه
بشكي على الطيب عريب الجدودي= طيبه وفزعاته للاقصـى وعانيـه
والا الردي لو تزهمه ما يفـودي = حتى ايش لو هو من قريب دناويه
المواضيع المتشابهه 
العرض العادي
