$$$محاورة الساحل الغربي وابو باسل$$$

[بنت الشمال]

الاخوان الكرام

السلام عليكم ورحمة الله وبركاته
نظرا لما تخلل المحاورة من ردود ومشاركات الاخوان الكرام
احببت ان اجمع المحاورة واطرحها لكم كاملة
اتمنى ان تنال اعجابكم :

الساحل الغربي


يا ناوي الصيف كم غريتنا من غرور
وكم خدعت القلوب وكم خدعت العيون
وانا ادري انك سحابٍ عابرٍ مستحيـل
يبرق ويرعـد ويتكبـر ومافيـه مـا

ويزول والارض ما زالت على حالهـا

ابوباسل

ما تجني الا النكد يا من زرعت الغرور
ولو سقيته زلال صافي مـن العيـون
يا بو فهد لو بتثني هامـة المستحيـل
اسهل من انك تفهم شخص ما فيهمـا
وتخلط ايامنـا المـره علـى حالهـا

الساحل الغربي


اذا وردنا حسبنا وردنـا والصـدور
ما نشرب الا قراحٍ مثل ماي المزون
وموية العد لا صـارت بليـا دليـل
ان كانها ما بتروي ظاميٍ من ظمـا
خليتها لك ولو انـي علـى جالهـا

ابوباسل

الله ذا يعلم الخافي وغيب الصـدور
واهل الخطا ما حسبناهم وما يلمزون
والكلمة الطيبه تكفـي بليـا دليـل
اسمع كلام يجي من خاطري منظما
مثل البروق التي تاجي على آجالهـا

الساحل الغربي


امريكا جت من الفضاء ترمي بظلمٍ وجور
والعالم الثالث اعلى الحرب ما يقـدرون
والله لو امريكا راحت عند بابـل بخيـل
لظل نهـر الفـرات يسيـل مايـه دمـا
وقالوا لبوش تخسـا مـا انـت حلالهـا

ابوباسل

ماجينا بنحقق اهداف ومصالح واجور
جينا نقـدر رجـال حقهـم يقـدرون
ولا نوينا نوقف عنـد بـاب البخيـل
حن نحتمي موقف اهل العز ما يهدما
يا من عقدت الحبال ومنـت حلالهـا

الساحل الغربي


يالله تسلم بلدنا مالخطـر والشـرور
وروس الارهاب قل يا جعل ما يسلمون
ولا سلم كـل خـوّانٍ ونـذل وعميـل
وراعي المنهج الواضح عسى يسلمـا
وعاشت المملكة فـي هيبـة رجالهـا

ابوباسل

النار ما تكبر الا من صغار الشـرور
واهل القلوب العصيه لازمٍ يسلمـون
ويصدقون المقال ويحسنون العميـل
لا تامن الدرب وان كان العسايس لما
ولو تخونك يمينك كيف ترجـا لهـا

لكم مني ومن اخي الغالي الساحل الغربي التحية والتقدير